Albanija nadinelape deka o pomižiba e veštačko intelegencijaja ka skratinel o periodi kova nakelale ki čekalna tari Evropsko Unija. Edi Rama o premieri vakerga kaj kontaktiringa Mira Murati taro OpenAI te pomožinel le te transformirinen pobuter taro 4000 pravna aktija.
Avdive mangava te vakerav tumenge deka ko 13 Dekemvri ko Brisel, koga ka završinel i sredba e grčko dilemaja (Greek dilemma), ka mukav lenge sar novogodišno čestitka tari Albanija taro sa o liderija taro EU, o albansko modeli baši veštačko intelegencija bašo čhijbe ki zakonsko regulativa taro 280 hiljade strane zakonska merke taro EU, vakerga o Rama.
Veštačko intelegencija trebela te pomožinel te usoglasinenpe o albanska zakonija e zakonencar tari Evropsko Unija. Akava usoglasuvanje tano klučo bašo kujbe e Albanijakoro ki Unija.
O premieri e Albanijakoro lično kontaktiringa Mira Murati te rodel pomoš sar šaj posigate em polokheste te rešinenpe delo taro problemija bašo pregovorija e Evropsko Unijaja. ChatGPT Albanija šhaj ka del suksesi tena denpe pobut love bašo advokatija thaj preveduvačija. Namesto akava i veštačko intelegencija, poeftino thaj posigate ka uspejne te nakavel del taro problemija.