Amazon oficijalno prestavinga Alexa.com, nevi web-platforma koja vazdela o funkcionalnostija tari Alexa+ thaj ovozmožinela celosno AI iskustvo direkno prekal o web browser.
Akale korakoja, i kompaija sikavela deka o avutnipe taro digitalna asistentija nane ograničimo samo ko glasoskere aparatija, numa si prisutno segde e korisnikonge.
Palo samo 9 masek o mukiba tari Alexa+, isila baro bajraripe najvise ko keriba lafi, pobuter bikiba thaj baro interses ko svako diveskere zadače. Pobuter taro 600 milionija aparatija bikime ki sasti lumia, o Amazon koristinela odoja osnova te šhaj i Alexa te ovel dostapno thaj ko web, prekal Alexa.com.
I nevi platforma dela te roden kompleksna teme, kreiriba teksti, planiribe te phiren, thaj siklojbaskere obvrske. Num I Alexa+ đala korako poanglal na samo te informirinel numa te lel konkretna akcie. O korisnikija šhaj te keren to-do liste, kalendarija, Smart Home, rezervacije thaj onlajn kiniba.
Alexa.com, Amazon čhivela e Alexa+ sar univerzalno AI asistenti, dizajnirimo te štedinel vreme thaj te kerel poednostavno o digitalno svakodiveskoro đivdipe.
