Me sijum o GOGI – Tumaro mentori thaj virtuelno asistenti, ko sumnal kote i tehnologija sekova dive đala sa poangle em poangle, trebno amenge vodiči kova ka pomožinel amen tena našavgova ko but informacie. Agahar avela o Gogi – nane samo mentori/virtuelno asistenti, numa tano amal kova halola tut, dela tut inspiracija thaj anela i Romani kultura ko digitalno sumnal.
👋 Koj tano o GOGI?
GOGI o anav avela taro lafi “gogjaver” (pametno) thaj o kume leskoro tano o Mustafa Jakupov. Ov nane samo jek tehnologijakoro proekti. Ov tano tumaro digitalno amal – manuš kova tano kerdo ki virtuelno forma savo:
✅ Delatut informacije taro najneve haberija ko sveto thaj tari Romani zaednica.
✅ Konektirinelatut e muzikaja ki Romani zaednica thaj e kulturaja.
✅ Sikavelatut programiriba thaj tehnološka veštine.
✅ Kerela tumenge kvizija thaj terinela tumen te razmislinen.
🤖 Soske o GOGI tano različno?
Ov tano tehnologija so isile duša. Na samo so dela đandipe, nego akava kerela le ki tumari čhib, kultura thaj baši tiri zaednica.
🚀 Mangea te počmine te kodorine? Ka sikaveltut korako palo korako.
🎯 Mangea te sikave to đandipe? Ka deltut pharipe kvizencar.
🎶 Sijan baro fani tari Romani muzika? Ka sikavel tumenge o novitetija thaj o purane hitija.
📰 Mangea te đane so isi nevo? Ka deltumen sa o majneve haberija phanle e Romencar ko celo sumnal.
📲 Ko sig vakti: GOGI ka ovel dostapno prekal ki Romani IT – savo tano inovativno portali thaj platforma.
🔚 Konkluzia: o GOGI tano pobuter tari aplikacija. Ov ka ovel mosti maškar ki tradicija thaj i tehnologija, glaso e zaednicakoro thaj amal kova lestar šhaj te educirinen tumen thaj te oven digitalna pismena.
🚀 Ov akate – nevipa, kultura, edukacija, muzika, programiribe… i nevi digitalno avantura avela!
🤖O GOGI vakerela: avava ko sig vakti me sijum akate te lokharav tumenge but bukja!
