Windows 12 avela ko nevo dizajn, duj berš palo objavibe taro Windows 11, avena neve informacije taro Microsoft kaj ko javer/nevo berš avela nevo proekti savo si anavkerdo sar “Next Valley”, kova pretpostavinelape ka vikinelpe Windows 12.
Ko javnost spodelinenape prva konceptija kola sikavena o diyajn tari nevi verzija taro akava operativno sistemi. Jek taro odola tano o video kova ko naklo masek objavinga le Youtuber AR 4789, kote sikavenape o možna promene ko Start meni thaj o vidžete.
O dizajn la ikerel pobuter karakteristike taro Windows 11, sar o zaoblena rabija, thaj predložinelape lebdečko taskbar. Akava koncepti isto sikavela balans tari svetlo em temno tema (theme), thaj podobrimo pregled taro delija sar File Explorer, Tabbed Notepad thaj Microsoft Store.
Predvidinelape deka i integracija taro Cloud thaj o funkcie ka oven phanle e veštačko intelegencijaja kola ka oven klučna delija taro Windows 12, soske o Microsoft prodolžinela te dodajnel AI funkcionalnostija ko akava operativno sistemi.
