GTA VI preload akana šaj te kerel pe ko PlayStation 5 thaj Xbox Series X|S vaš manuša save kinde i gejmi angleder o iklobe. Rockstar Games potvrdinđa kaj Grand Theft Auto VI ka iklol oficialno ko 19 novembri 2026, a pre-load već šaj te kerel pe angleder o iklobe.
Prekal USB.mk, GTA VI rodel paše 212 GB muklo than ko disko. Akava si but baro than, thaj pe nesave konzole šaj te ovel pharo te ačhel dosta than vaš aver gejmija.
212 GB si but vaš jekh gejmi
Ko PS5 Pro e 2 TB disk-esa, 212 GB panda si baro kotor andar o slobodno than.
Ko Xbox Series S, savo isi les 512 GB disk, e manušeske ačhel paše 362 GB than savo čačes šaj te koristinel. Te GTA VI lel 212 GB, ka lel maj but andar jepaš e thanesko savo šaj te koristinel pe.
Vaš oda, angleder te počninen o GTA VI preload, lačho si te dikhen so isi tumen instalirimo thaj te mukhen dosta than.
Sar te keren preload ko Xbox?
Ko Xbox Series X|S, manuša save angleder i naručinde i gejmi šaj te phutren o Microsoft Store, te roden Grand Theft Auto VI thaj te birinen Install.
Šaj vi te phanden automatic updates, vaš i konzola korkori te anel sa e trubulutne fajlija kana si dostupne.
Sar te keren preload ko PlayStation 5?
Ko PlayStation 5, phutren i GTA VI rig ko PlayStation Store thaj birinen o pre-load. Oficialne informacijе vaš o pre-load thaj iklobe šaj te dikhen vi ko Rockstar Support.
Šaj vi te phanden automatic download ande Game Library. Vaš 212 GB šaj te trubul but vakti, posebno te tumaro interneti na si sig.
Soske si lačho te instalirinel pe angleder?
GTA VI preload pomožinel tumenge sa e fajlija te oven ko konzola angleder o oficialno iklobe. Kana i gejmi ka phutrel pe ko 19 novembri, na trubul te ađikeren baro download.
Akava šaj vi te pomožinel te na avena tumen pharimata kana but manuša ko isto vakti ka probinen te anen i gejmi andar serverija.
Rockstar phenel kaj physical versionija save isi len download code ande kutija šaj vi te aktivirinen o code thaj te počninen pre-load kana ka resel lenge i kutija.
Te interesirinel tumen GTA VI, dikhen vi amari purani vesto:
GTA VI oficialno iklola 19 Novembri 2026.
Aver gejming nevipe šaj te arakhen ko:
Romani IT – Gejming.
