Flappy Bird hit igra iranelape palem ko tumare telefonija, mobilno igra koja dilinkerga celo sumnal, numa iranelape samo bašo Android telefonija.
Koj tano o Dong Nguyen?
Dong Nguyen tano o orginalno kreatori akale igrakoro, prvo puti sine ikaldi ko 2013 berš thaj uli penđardi palo lokho numa adiktivno mehanizmo. Akaja igra sine ikaldi taro App Stores ko 2014 berš koga sinela najbari popularnost, numa akana iranelape telal o Flappy Bird Publishing, thaj isila cel te iranel e purane igračen napalal thaj te astarel neve.
So nudinela i nevi Flappy Bird?
Flappy Bird šhaj te hularen la bi lovengoro taro Play Store, numa isila neve artiklika kola so šhaj te kinelen. Ako mangena te čhinaven o reklame tari akaja igra ka mora te den 2.99$, šhaj em isto agahare te kinen tumenge kacige kola so dela tumen možnost mat ekhuven tumen ko cefke. Akala kacige bikinenape taro 0.99 đi ko 19.99$.
Sar hem kotar te hularen la
Akaja igra tani dostapna bašo pametna telefonija kola kerena buti e Android 6.0 thaj poneve verzijaja. I igra našti te araken la ko Google Play Store, numa ekskluzivno ki mobilno verzija taro Epic Games Store.
Ze šhaj te instalirinen akaja igra, prvo ka trebel te hularen la taro Epic Games Store, thaj te keren tumen akaunt/smetka, pa te roden akaja igra ki akaja platforma. Ma oven mrzale, soske o Epic redovno dela igre kola so platinenape.
Bibahtake, te isitut iPhone bister o Flappy Bird – barem akanaske.
