Sunto Lil – Aplikacija so anela i Biblija ki Romani Čhib, ko jek sumnal kova ovela sa po digitalizirimo, o pristap đi ki duhovno literatura ke dajakiri čhib tano but importantno. Odoleske bare lošhasa mangaja te havlakera tumenge o proekti Sunto Lil – mobilno aplikacija ki koja tani integririmi celo Biblija ki Romani čhib.
🛤️ Tari web đi ki mobilno platforma
O proekti Sunto Lil počminga sar web aplikacija, thaj i cel leskiri sine te ovel sarinen pristap taro Sveto Lil đi ki Romani zaednica. Dujto faza sinela prekal ki USB narakvica, koja ovozmožinela sine koristiba bizo internet, thaj trito faza kergape celosno funkcionalno mobilno aplikacija.
📱 So dela akaja mobilno applikacia ?
I Sunto Lil app tani dizajnirimi em kerdi lokhi koristipaske thaj fleksibilno sa e generacienge, thaj ovozmožinela:
✅ Čitiba i Biblika ki Romani čhib, offline
✅ Rodiba ko celo lil, poglavja thaj stihija
✅ Obeležiba taro omilena stihija
✅ Spodeliba stihija prekal ko socijalna mreže thaj porake
👨💻 Koj kerga akaja App?
Avtori tari akaja aplikacija si o Elvis Hajdar, vizioneri thaj digitalno inovatori kova bešencar kerela buti ko proektija kola so vazdena i Romani kultura, čhib thaj duhovnost. Akale aplikacijaja ov pravela udara sa e Romane generacienge te čitinen i Bibliaja ki pire dajakiri čhib, kaj hem te oven. Prevod ki Romani čhib ki akaja app kerga o Gola Veli.
📲 Sar te hularen i aplikacia?
Akaja aplikacija šhaj te araken la bi lovengoro bašo Android.
👉 Hularen Sunto Lil taro Google Play – https://play.google.com/store/apps/details?id=com.suntolil.app&hl=en
i iOS verzija tari akaja aplikacija si ko keriba buti thaj ka ovel objavimi ko sig vakti.
Ko vakti kana i tehnologija dujrarela amen jek jekhestar, akaja app tani primer baši jek digitalno alatka koja šhaj te anel amen popaše e religijaja thaj e čhibjaja.
