Meta thaj oficijalno prestavinga piri nevi funkcija “Instants”, savi resela sar delo taro Instagram, numa thaj sar posebno mobilno aplikaacija bašo Android thaj iOS uredija. I nevi opcija si fokusirimi bašo sig tha spontano te spodeline slike bizo filterija thaj dopolnitelno obrabotka.
Instants, o korisnikija šhaj te bičhalen slike đi ke pere paše amala jali pak đi ko lengere sledbenikija. O slike našavgona taro jek drom palo lengoro dikhiba, thaj palo 24 saatija tane nedostapna bašo odola so dikle i slika.
I nevi funkcija tani dostapno prekal Instagram Direct Messages, kote tani posebno ikona bašho Instants. Thaj nane dozvolime filterija thaj javera vizuelna efektija, o korisnikija šhaj te den jek kratko teksti anglal te bičhalen odoja slika.
Meta akale funkcijaja mangela te iranel i prirodno komunikacija ko socijalna mediumija, ko vakti kana baro delo tari sodržina tani
uredimi thaj filtririmi. Spored i kompanija, Instant tano kerdo baši popaše thaj porealno komunikacija maškar ko manuša.
Akaja funkcija ka mukelapoe pohari globalno bašho sa o korisnikija taro Instagram.
