Copilot+ tano nevo laptop taro Microsoft kova so kerela lafi e korisnikoja thaj tano 58% pobrzo tari MacBook Air.
I linija taro akala neve laptopija tani opremimi alatencar kova so isile veštačko intelegencija, kolenge na trebelatut internet konekcija te završine nesave operacije, soske i samoto veštačko intelegencija završinela sa o operacije taro akava produkti.
Akava nevo hardver koristinela i tehnologija GPT-4.0 taro OpenAi, koja isile baši cel te kerel o ChatGPT ko digitalno lično asistenti kova ka ovel sposobno te komunicirinel e korisnikoja ko realno vreme prekal ko teksti thaj dikhiba.
Šhaj te dikel thaj te čitinel slike, slike taro ekrani, dokumentija ili tabele thaj te kerel lafi e korisnikoncar baši lengiri sodržina. Šhaj hem agahar te del odgovorija taro porake ili pak te predložinel nesavi promena ko odredena postavke.
Copilot+ tano 58% pobrzo taro Macbook Air
Akala kompjuterija isilen NPU ( Neural Processing Unit ) procesorija taro najhari 40TOP, ili pak kola tane sposobna te završinen trilion operacije ki jek sekunda, kola so trebela te ovelen 16GB RAM thaj 256GB vnatrešno memorija.
Qualcomm, Snapdragon procesorija ka keren buti so Copilot+, tane zadolžime bašo napredna čipija kola tane sposobna te izvšinen VI fukncije bizo trošiba but baterija.
I redizajnirimi aplikakcija Copilot+ šhaj em agahare te koristinelpe sar posebno pole tari strana taro ekrani, posebno dikhiba ili pa te dikelpe ko celo ekrani. Akala neve kompjuterija ka oven dostapna taro sledno masek, o Microsoft počminga te priminel naračke. Početno cena taro osnovno modeli tani 999 dolarija.
Pobuter info shaj te araken ki oficijalno strana taro Microsoft
