“I veštačko inteligencija nane zakana, nego alatka so olesninela i kreativno buti.”
- Zdravo šhaj li te vakere amenge pobuter bašo tuke?
📌 Me sijum o Elvis Zekir , profesionalno kamermani thaj montazeri so isile poveke taro 20 bersh iskustvo ko TV Shutel thaj TV BTR. Ki mri kariera isi ma buti kherdo ko razlicna bare proektija – bijava , muzikakere spotija , dokumentarcija thaj tv emisije kote sakana dengum fokus basho kvalitetno thaj profesionalno slika.2.So najviše motiviringatut te ove delo taro digitalno sveto ?
📌 Miri najbari motivacija tani o mangipe premal i kamera koja me ingaravala panda taro mo papo em mo dat em me avdije preku o digitalna socijalna mreze mangava te sikavav sarinenge deka o Romano narodo tano moderno , kreativno thaj sijem sposobna baso bare proektija em bash odoleske postojano vlozinava ko napredok thaj inovacije ki miri buti.3. Sar tu em tiri buti pomožinena e romane zaednica ?
📌 Mire bukaja prikazinava i Romani kultura ko sovremeno profesionalno em dostoinstveno nacin mire proektencar dava moznost thaj sikavava e Romane umetnikon peacen , muzicaren te oven dikle ko celo sumnal, isto agar me bersha pomozinava ternen kola so mangena te keren buti kameraja , montazaja em prenesinava lenge prakticno miro dzandipa te shaj tajsa olada te izgradinen piri soptsveno kariera. Sakana miri najbari cel sine te vazdav i Romani mediumsko scena ko baro nivo em mislinava deka uspengum.
4.Kerea sine buti ko Shutel thaj BTR TV, shaj li te objasnine amenge soj i razlika taro odova vreme em akava vreme kote so naneamen Romane Televizije?
📌 Porano preku TV Shutel thaj TV BTR o Roma sinelen piro mediumsko kher thaj prostor kote so negujnelape sine i romani chip , kultura thaj tradicija so zal avdije odova nane. Iskreno mange i but zal sepebi so odote nakagem but suze momentija odova sine periodi perdo energijaja , druziba , amalipa em mora te ovav iskreno sijem sine perde mangipaja prema i buti em amari mangli TV Shutel.5. Tumen sijen prvo Romani produkcija so isila pobuter taro 100k subscribers ko youtube shaj li te objasninen amenge basho drumo sar alen dzi ko akava ?
📌 Ko 100.000 subscribers thaj i nagrada taro Youtube Silver Play Button alem makotrno bukaja bersencar bizo pauze vlozindoj baro trud , vlozindoj bare financiska sretsvija basi oprema soske iskreno me cigum mange uslov em pravilo sekova proekti amaro mora te ovel sovrseno snimimo , montirimo thaj najbirno ko vreme zavrsimo so amen cacipaske em agar da sijem prepoznatliva ko amaro narodo. Amari produkcija studio elite pro sijem prepoznatliva deka sijem seriozna , lojalna em isi amen profesionalno odnos sekole klienteja kote palo odova ovaja sar familija. Odova amaro narodo prepoznangale ki amende odoleske amen avdije sijem o najshukar thaj i najkvalitetno produkcija ko roma.
6. Kova tano spored tute to najbaro uspeh dzi akana, thaj soj tani ti najbari zelba ?
📌 Najbaro uspeh odgovoringumle ko prasanje pred akava a odovaj i te ove edinstveno romani video produkcija so 100.000 sub tano bar mange baro uspeh. Amen sijem o najdikle ki najbari mediumsko socijalna mreza youtube najrodime ko romane bijava thaj isi amen najbari sorabotka e romane thaj neromane zvezdencar ko regioni thaj posiroko .
7. Savi oprema ( kamere, dronija, svetlo ) isi tumen em savo software koristinena basho editing?
📌 Amen ko momenti isi amen i najmoderno taj najako oprema kote so o najbare produkcije thaj o netflix kerena lencar buti a odovaj SONY FX3. Isto agar koristinaja dronija taro najsukar brendi DJI thaj basi post produkcija ( montaza ) (Premiere Pro, After Effects, Photoshop) thaj ko ponovo vreme baso color corection Davinci Resolve.
8. So mislinea baši veštačko intelegencija thaj dali ka lel o than e kamermanengoro thaj e video editorengoro?
📌 I vestacko intelegencija nekole manushenge delujnela sar zakana posebno okole manusenge kola darana taro promene. Realno i nevi tehnologija ka smeninel dosta ama nikogas nane te promeninel i manusikani vizija. Odoleske so tek na vreme ka mora sarine te navikninamen sar pravilno te koristina o ai sebepi iskreno bar mange but olesninela mi buti . Mange o ai nane zamena tuku alatka koja ka olesninel mange te ovav pokreativno thaj poefikasno.
9. Taro tiro apekti kobor i romani zaednica đanela thaj koristinela o tehnologije?
📌 Zivinaja ko moderno sveto em me dzanava deka so poveke o terne vklucinenape ko digitalno sveto ama na isklucinava i moznost deka ka trebel amenge panda edukacija thaj podrska te ova cacikane konkurentija.
10. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌 Sistemsko podrska , edukacija thaj proektija kola so ka anen neve profesionalcija ki romani zaednica, vakerela o Elvis Zekir.
