GPT-6 Cyber si nevo AI modeli andar OpenAI, kerdo posebno vaš digitalno arakhibe. O modeli šaj te rodel slabe thana ande software, te proveril te čačes šaj te oven koristime ande napadi thaj te pomožinel programerinenge te keren popravke.
OpenAI vakerel kaj akava cyber modeli si maj zoralo nego anglalutne modelija thaj sikavda lačhe rezultatija ko but testiriba.
GPT-6 Cyber arakhla slabe thana ande Linux
Ande Linux kernel, o modeli reprodukcinđa 1.724 već džande problemija thaj kerdas 948 funkcionalne privilege-escalation exploit-a. O modeli pomožinđa vi te keren pe popravke, a 304 seriozne problemija sine bičhalde e Linux maintainers-ke.
Akava sikavel kaj AI šaj te pomožinel security timinenge te arakhen problema maj sig, ama vi te proverinen te problemi čačes si opasno.
O modeli arakhla 81 neve Firefox problemija
Ande Firefox, o modeli arakhla 81 neve slabe thana save Mozilla klasificirinđa sar high severity. O modeli dikhlja vi kaj 30 već džande problema sine maj seriozne nego so angleder sine prijavime.
OpenAI bičhalda e rezultatija thaj ideje vaš popravke ko Mozilla, a Mozilla već ikalda popravke vaš but andar akala problemija.
GPT-6 Cyber: a major advance for security research, already being used to help defend security-critical software such as the Linux kernel, Firefox, and many other projects.
We’ve invested a great deal in trust, specifically training the model to stay within the scope specified by the operator. The corresponding eval results are quite striking.
We’re also launching Daybreak Red for Critical Infrastructure, giving approved critical infrastructure defenders the ability to conduct authorized testing of critical systems.
— Greg Brockman (@gdb) November 5, 2026
Maj lačho rezultato ko cyber testija
Ko ExploitGym, GPT-6 Cyber resla 48,5%, dži kaj GPT-5.6 Cyber sine ko 32,1%. Akava si 51% maj lačho rezultato.
Ko RemoteExploitBench, o cyber modeli završinđa 95% andar e zadatcija. OpenAI isto vakerel kaj o modeli but lačhe ačhel ande granice save del les o researcher kana kerel autorizirimo testiribe.
Vaš akala sposobnostija, OpenAI klasificirinđa akava modeli sar Critical ande cyber arakhibe prekal pesko Preparedness Framework.
O nevo cyber modeli thaj digitalno arakhibe
O nevo modeli akana dostupno si prekal API thaj Codex vaš odobrenime Daybreak Red korisnikija. OpenAI planirinel palo oda te buhljarel o pristupo.
GPT-6 Cyber sikavel kaj AI šaj te ovel but zoralo alat vaš programerija thaj security timija, ama vi kaj trubul lačho kontrola kana asave modelija keren buti e cyber sistemenca.
Maj but informacije šaj te dikhen ko OpenAI.
Dikhen vi aver tehnologijake nevipe ko Romani IT.
Romani IT
Amari kultura. Amaro digitalno than.
