AMD prezentiringa Ryzen AI 9 HX 370 thaj Ryzen AI 9 365
Ryzen AI 9 HX 370 thaj Ryzen AI 9 365 tane duj neve procesorija kola so isilen fokus baši generativno veštačko intelegencija taro AMD.
Neve čipija, taro procesori đi ki integrirano grafičko thaj NPU, tane kerde najneve arhitekturaja taro AMD.
Ryzen AI 9 HX 370 isile 12 fizička jadrija thaj 24 virtuelna, maksimalno rabotno frekfencija taro 5,1GHz, 36MB keš memeorija, thaj Radeon 890M grafičko kartička.
Ryzen AI 9 365 tani poslabo thaj avela 10 fizičko thaj 12 virtuelno jadroncar, maksimalno frekfencija taro 5.0GHz, 34MB keš memorija thaj Radeon 880M integrirano grafičko kartica.
Intel prezentiringa o Lunar Lake čipija
Thaj o Intel da na ačhilo bizo nevo čipi baši veštačko intelegencija. I kompanija koristinga Computex te šhaj te pretstavinel piri prvo genetacija taro laptop čipija kola so isilen podrška baši veštačko intelegencija. Bikibaske tane panda rano, o prva čipija trebela te iklon akava jeven.
Asus Rog Ally X
Asus pretstavinga peri nevi račno konzola – Asus ROG Ally X. Ko akava momenti isi samo duj račna konzole kola tane o Nintendo Switch thaj Steam Deck. Rog Ally tano najpaše konkurenti bašo Steam Deck. Akale neve konzolaja o Asus nadinelape deka ako na uspejnga te doresel le, barem te avel paše đi ko Steam Deck. Akaja konzola prezentiringa la ko Computex.
Hazri kerdo taro @RomaniIT
