“Mi najbari motivacija tano te prezentirinav o Romano Mindset sar unikatno pojava ko NAROMA.”
- 1. Zdravo šhaj li te vakere amenge pobuter bašo tuke?
📌 Zdravo me sijum o Mustafa Demirovski dzanena man sar Musto, srekjno ženimo dat trine chijengoro, avava tari Shutka, isima miro biznis ko pazari e Shutkakoro isima dukjana śeengje, isima miro biznis ama najvise o manusha pendzarenaman sar direktori tari Tv Therapy, sar content creatori, sar Podcasteri hem sar sovetniko ki Opstina Shuto Orizari 🙂.2.So najviše motiviringatut te ove delo taro digitalno sveto ?
📌 Mi najbari motivacija te ovav delo taro digitalno sveto tano odova so but bersha kreirinava sine contentija ko miro licno FaceBook profili,hem isto agjar pratinava sine o trendija ko sveto so desinenape;hem oduvek sinema ideja te kerav nestho svetsko a romano,neshto so nane ko Roma;najċesto sijum tipi so na mangjela te kopirinel hem so izmislinela romane situacije(realna)kolen pretvorinava len ko digitialno naċin,mi najbari motivacija tano te prezentirinav o Romano Mindset sar unikatno pojava ko NAROMA,hem sukjur e devleske mislinava deka uspeśno kerava odova me amalencar taro tv therapy 🙂.3. Sar tu em tiri buti pomožinena e romane zaednica ?
📌 Miri buti ako laja te dika sar content creatori pomozinava basho podobribe i slika e romengjiri prvo ki amari drzhava ki Makedonija, posle ko Balkan hem insh’Allah jek dive ko celo sveto. Ako pratinena shukar mire contentija;generalno tane basho podobribe i “bari” slika e romane zaednicake; samo so me otrkijngjum deka o sarkazam tano modeli kote so dodirinela e manushen preku o asajbe te doznajen o cacipe, no odova na znacinela deka ako kerena sarine o isto deka ka ovel uspesno, na naprotiv odovaj tano darba taro devel, hem sekoj trebno te kjerel odoleske soj darujmo,a sarine bizo sumna sijem nadarime neśtoske.
4.Sar so dikava isitumen Logo interesno kerdo ,šaj li objasninea amenge na kratko so značinela tumaro logo ko Tv Therapy?
📌 Oja amaro logo tano unikatno hem posebno birimo, shaj dikena tari boja/kratko manglem te da javer slika hem javer percepcija ko romano mediumsko prostor, te odvinamen taro standardna boje,hem mislinava deka uspejngjem ko odova o logo tano spoj tari “terapija” koja keraja la preku slike, videa, textija.
5. Soske i šukar tumari platforma te ovel la piri webstrana, em dali planirinena ki idnina te ovel tumen tumari oficijalno webstrana?
📌 Shukari te ovel web strana sebepi so mora te dja angle e tehnologijaja, insh’Allah ko naredno bersh ka ovel amen amari oficjalno web strana da.
6. Dali planirinea ko tiro biznis te vklučine digitalizacija, jali pak te kere nesavi tri lično digitalno alatka?
📌 Več me sijum ko digitialno sveto, odova so planirinava ko nevo bersh tano te shirinav miri platforma Tv Therapy mashkar ko NaRoma, pośto veċ ko Roma sijem dosta dikle, pendzarde hem pośtujme, kjeda dengje amen izini amare Roma ondak te la izini taro NaRoma da, akaja “Terapija”te śirinala ko sekova kher, sekova astali, sekova kaućuko,sekova saloni, sekova kafiči, sekova druśtvo.
7. Koja tani tiri poraka đi ko mediumija, nevladina organizacije thaj institucije so mangena te keren promena baši slika thaj o narativ baši Romani zaednica?
📌 O mediumija trebno te informirinen odova so o manusha trebno te dzanen, na so ola mangjena, te diken hari i bari slika avrijal; te oven poaktivna e narodoja, soske o narodo tano odova kova so dela zeleno svetlo, dali tu kereja shukar ti buti ili na, nevladina sar nevladina kozom i ko domet lengoro odobor pridonesinena, nashti sa te zhalinamen mora da nekad te dalen lengoro znacaj, ama ko isto slucaj mora te oven pretpazliva kjeda kerena buti ko romano pucibe, soske ako na reagiringja avdive mangje tajsa shaj isto slucaj te desinelpes leske. Sekoj vredinela maskar ko Roma sar medium, sar nevladino samo trebno pobari kohezija maskar amende, te muka o ego ki strana hem o licna strastija te kjera jek puti bare ko interes e zaednicke.
8. So mislinea baši biznis romani zaednica, thaj isijamen li dovolno broj taro legalna biznisija so šhaj te oven konkurentna ko pazari?
📌 Dik biznis sar biznis nesavo tano pobaro nesavo potikno, generalno o romane biznisija najcesta tane tikne, pohari tane o sredna a najhari tane o bare, taka da amen sijem ki jek tranzicija kote so akaja generacija mangaja te investirina mangaja te ulożina ama nesar nae amen odova krajno pasi, falinela amengje odoja hrabrost te ova jek a jek javere naciencar ko biznis sektor, ama insh’Allah te nadinamen deka jek dive ka oven amen but bare biznisija sar so isi javere nacien.
9. Taro tiro apekti kobor i romani zaednica đanela thaj koristinela o tehnologije?
📌 Realno but slabo dzanaja te koristina i tehnologija koja so nudinelapes amengje avdive, fokusirinaja amen ko nebitna bukja, t.s nashavaja amaro vreme ko Tik-Tokija ko glupostija javera, kola so tane momentalno satisfakcija a nanelen dolgoročno pridones sar liċno benefit. Mislinava da trebno povishe te ulożina ki amende, te posetina AI nastave ;me liċno dzava kursija, isima online da predavanja hem mangava te ovav jek a jek e neve bukjencar, odova kerela man pokonkuretno ko pazar na trud, odoleske da kjeda dikena mandar neve contenija – prvo puti ki romani zaednica, ma ċudinen tumen; soske me but ulożinava ki mande</p><hr />
10. Misliea li trebela te ovel amen nesavi alatka ki Romani zaednica sar agregatori baso haberija ko jekthan, em kobor tano odova sukar?📌
Da trebno te ovel spoijmo jek mediumsko telo ko jek, te kera buti ko jek informativno telo, te bi i romani zaednica fokusirinelapes ko jek; agjar nesar but delime sijem a iskreno hari publika isiamen.
11. Falinena li amenge manusa ki IT industrija em kobor tano odova bitno ?
📌 Falinena manusha ki IT posto o sveto digitalizirinelapez, tumen dikena deka nesave drzhave kerena buti so AI ko lengere vlade, ministerstvija. Akatar mi poraka dzi ko sekova terno so ka citinel akava, te fokusirinelpes ko digtalno sveto, te unpredinelpes ki peste, te vlozinel ki peste, posto akaja branśa tani sigurno bukjakje hem shukar platimi bizo but te ovel mucimo fizicki.
12. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌 Mislinava da tumen sijen prva so nudinena akaja możnost te doresa dzi ko neve IT infornacije, mangava samo te penav tumengje ma keren but bare pauze 😃, shala ki strana oven akate poċesto amencar, den amen informacije,zaśtitinen amen taro dezinformacije a me sar direktori tari Tv Therpay tumengje hem sa e ternengje so dikhena te meninen o narativ e Romengoro ki poshuzi slika BESHAVA PALA TUMENDE vakerela o Mustafa Musto Demirovski.
Oven saste sarine so citingjen miro izlaganje,sekova shukaripe mangava tumengje hem tumare familijengje.
