Nokia Limia dobinela piro nevo nasledniko, HMD Skyline kerga baro iranipe pire brendeskoro, thaj o HMD akana kerela zoralipe te mukel pobuter smart telefonija, jek lendar thano o modeli Hyper. Iklile ki javnost nekobor fotke taro akava modeli HMD Hyper thaj sikavgape leskoro dizajn tano inspiracija tari Lumia thaj vi agahar si penđarde leskere specfikacije.
Akava telefoni isile OLED ekrani so FHD+ rezolucija thaj 120Hz. Leskoro procesori tano taro Qualcomm Snapdragon 6 Gen 1 kova so isile 8GB Ram thaj 256GB andruni memorija.
HMD Hyper with Lumia-inspired design coming soon#HMD #HMDHyper #Lumia #5GSmartphone pic.twitter.com/rYY9MvKUp1
— Smartprix (@Smartprix) August 13, 2024
Paluni glavno kamera isila 50MP thaj optikani stabilizacija tari slika, thaj panda duj kamere taro 13 thaj 8 MP kolenge akanaske nane pobuter detalija.
Angluni kamera ( selfie ) ka ovel taro 50MP, koja arakelape anglal ko ekrani. o HMD Hyper ka ovel zoralo 4700mAh baterijaja savi ka ovel la suporti bašo 33W pheriba.
Oficijalno prezentiriba ađikerelape ko maj sig vakti, thaj te dika dali čačipaske ka ovel sar i Nokia Limia.
