“Mi buti sar prezenteri baši tehnologija ovozmožinela mange te pomozinav e Romane zaednica preku edukacija hem pristap ko neve tehnologije”
- Zdravo šhaj li te vakere amenge pobuter bašo tuke?
📌 1. Zdravo, oven saste so pokaningenman. Me sijum o Iskender Usein – Riki, hem kerava buti sar prezenteri baši tehnologija ko Neptun povekje taro 13 berš. Akate isiman možnost te prestavinav proizvodija taro sa o vodečka brendija ko profesionalno način. Isiman osvojmo pobuter nagrade thaj sertifikatija taro najpenđarde brendija sar: Sony, Apple, Samsung, LG, Beko, JBL, Philips itn. So ovozmožinga mange te phirav pobuter države, thaj te učinav hem te sporedinav o najneve tehnologije. Mo iskustvo sikavgaman sar te komunicirinav e klientencar hem te objasninav o kompleksna tehnološka informacije normalno ko razbirlivo hem praktično način. Pokraj akava isiman završimo sredno obrazovanie 4-ti stepen gimnazija, so dengaman solidno osnova baši profesionalno razvoj. Kontinuirano nadogradinava man sekova dive te šaj motivirinava man hem voedno usovršinava man baši digitalizirimo moderno način e bukjaja.2.So najviše motiviringatut te ove delo taro digitalno sveto ?
📌 Ka ovav but kratko ko akava pučiba, najviše motivirinelaman odova so ko digitalno sveto postojano meninelape hem nudinela neve možnostija.3. Sar tu em tiri buti pomožinena e romane zaednica ?
📌 Mi buti sar prezenteri baši tehnologija ovozmožinela mange te pomozinav e Romane zaednica preku edukacija hem pristap ko neve tehnologije. Koristinava mi buti sar ekspertiza za da te objasninav ko razbirlivo nacin sar te koristinen o digitalna alatke, aplikacije hem uredija, so pomožinelalen e manušen te oven po povrzana, informirime hem te ovel len poveke moznostija bašhi obrazovanie ili javera bukja.
4.So mislinea baši biznis romani zaednica, thaj isijamen li dovolno broj taro legalna biznisija so šhaj te oven konkurentna ko pazari?
📌 Iskreno nane amen but legalna firme, hem odola da so dzanaja len gejnenape ko naja, sar romani zaednica po poznata sijem ko lokalna biznisija. (spored mo mislenje).5. Taro tiro apekti kobor i romani zaednica đanela thaj koristinela o tehnologije?
📌 Taro mro licno aspekti hem iskustvo mislinava deka pobaro broj tari Romani populacija na koristinena sar so trebela i tehnologija, ama nadinajamen ki poterni generacija tari Romani populacija ka pocminen te koristinen sar so trebela i tehnologija !.
6. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌 Mislinava deka Romani IT isila ogromno potencijali te ovel mosti bashi digitalno edukacija hem razvoj ki Romani zaednica vakerela o Iskender Usein – Riki.
