Apple kerela buti ko iPhone 17 Slim, spored o sovetniko Đef Pu kova tano analitičari ko Haitong International Securities.
Čačipaske i deka panda na alo o iPhone 16, numa iklona thaj detalija tari sledno generacija taro telefonja taro Apple kola tane ki faza taro keriba. Sar so vakerga o Pu, i serija iPhone 17 ka ovel la 4 nece modelija, a o modeli Slim ka ovel zamena bašo Plus. Akava modeli ka ovel posano taro javera iPhone telefonja, thaj celo serija ka ovela nevo dizajn thaj pošukar predno kamera.
Panda nekobor informacije so vakerga o Pu: Apple iPhone 17 ka ovel ekrani taro 6,1 inčija, iPhone 17 Pro ka ovel le ekrani taro 6,3 inčija, iPhone 17 Slim ka ovel le ekrani taro 6,6 inčija thaj o iPhone Pro Max ka ovel le 6,9 inčija.
O modelija iPhone 17 thaj iPhone 17 Slim ka ovel len 8GB Ram thaj čipi/procesori A18 ili A19. Tari javer rig o iPhone 17 PRO thaj iPhone 17 Pro Max ka ovel len 12GB Ram thaj A19 Pro procesori.
