“Sijum Romanno Militansko Zurnalisti thaj mire početokija pocmingjum len ko 1995 bersh ki Sutka sar voditeli ko Radio Atlanta.“
- Zdravo šhaj li te vakere amenge pobuter bašo tuke?
📌Zdravo, em oven saste bashi akava intervju. Pobuter mandar nesto te vakerav…
Mislinava deka naj pharo tano manush korkori pest e opishinel ili te vakerel pestar, ama ka probinav hari pobuter te vakerav koj sijum. Sar so dzanena miro anav I Andrijano Đeladin bijamo sijum ko Skopje, thaj taro 2000 bersh dzivdinava ki Francija, inace sijum Romanno Militansko Zurnalisti thaj mire pocetokija pocmingjum len ko 1995 bersh ki Sutka sar voditeli ko Radio Atlanta, thaj ko adala bersha sa dzi ko miro migriribe ki Francija sijum sine aktivno ko Romanipe, Radio, Koncertija, Disko zabave mitingija itn. Momentalno sijum šerutno redaktori ko Roma-News.com .2. So najviše motiviringatut te ove delo taro digitalno sveto ?
📌I motivacija tani adaja so mora te pratina o trendi t.e I digitializacija e dzivdipaskiri, avdije mislinava deka 99% taro amaro zivoto funkcionirinela preku o digitalno sveto, komunikacija, shooping, platibe smetke, bankarsko kulsultacije, zabava itn. Pa adaleske shukar tano so amaen da sar zaednica pratinaja o trend em sijem delo taro akava Digitalno sveto.3. Sar tu em tiri buti pomožinena e romane zaednica ?
📌Sar so vakergjum, me dikhava man sar militanti e Romane zaednicake,, so prekal miro buti keribe informiribe, phravibe diskusije debate e romane puchibnjancar, adava dozvolinela te ovel amen jek demokratsko pravo kova sekova jek gragjani tari amari zaednica zaslusinela le, te ovel informirimo em te del piro mislibe kova tano povrzimo e Romane zaednicaja. E akana dali shukar kpomozinava e Romane zaednica ili na adava shaj samo I zaednica te del odgovor adaleske.
4.Dali planirinea ko tiro biznis te vklučine digitalizacija, jali pak te kere nesavi tri lično digitalno alatka?
📌 Miro buti keribe na spadinelal ko bizniz, kova bi mangaja sar online mediumija te ovel bizniz te bi shaj prosirinaja em podobrinaja amaro kvaliteti em standard ko buti keribe, ama na zalost panda sar zaednica nane amen asavki edukacija ili narativ te podrzina preku sponzoriribe ili reklamiribe ko mediumija. A inace akana I buti so kereja tani sa preku digitalno formati, interesno akava puchibe so potsetingan man ko 2010 bersh keda pocminge te ikljon o prva smart telefonija, kreiringjum jek digitalno alatka ili aplikacija koja sine o prvo romanno Radio te shaj shunela pe ko live preku shoutcast serveri kova so tegani shaj sinen samo shunela pe ko Iphone em blackberry (panda na postonela sine o android).
5. So mislinea baši biznis romani zaednica, thaj isijamen li dovolno broj taro legalna biznisija so šhaj te oven konkurentna ko pazari?
📌Tradicionalno amen o Roma sijem shukar biznizmenija (pazardzije) soske jek taro bukja so kerena o Roma tani I textilno trgovija bershencar, nno akana dikhaja deka isi amen terne generacije kola khuvena ko javer da domeni e bizniseskoro, no po baro numero olendar achona ko neformalnno bizniz soske nane tane dovolno bare sar firme de bi shaj opstajnena em te nakhen ko formalno bizniz, no mislinava deka o naredna bersha o broj taro legalna bizniz firme ka bajrol em ka oven jek taro naj konkurentna ko Makedonijakoro pazari.
6. Taro tiro apekti kobor i romani zaednica đanela thaj koristinela o tehnologije?
📌 Zavisinela kole tehnologijake kerela pe lafi, jek taro naj popularna tane o socijalna mreze kola ule amen jek droga ko smisol so nashti beshaja po buter taro 30 min bizo amaro telefonii ko vasta. A ako keraja lafi taro javera tehnologije othe bi ohrabrinava manushen sar tumen so sijen te shaj kerena asavki promocija ili edukacije sa e mozno tehnologijenke so postojnena te bi shaj dena jek drom e Zaednica so sa shaj kerena e neve tehnologijencar kola lenge da ka oven taro korist ko sekole diveskoro dzivdipe.
7. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌Osven komplimentija javer so shaj vakeraja, soske but I bitno nekoj te informirinel te sikavel o domenija so e zaednicaker tane ne poznata ili hari poznata, me adaleske ohrabrinava tumen em podrska dava bashi sekoja jek tumari inicijativa so kerena ili ka prevzeminen taro IT domeni, vakerela o Andrijano Đeladin.
- Zdravo šhaj li te vakere amenge pobuter bašo tuke?
