Facebook meninga piro logo

I kompanija Meta meninela piro “sistemi basho identiteti” tari soclijalno mreža Facebook, akate preperela thaj i promena taro logo.

I promena taro logo nane but primetlivo, osven so i plavo boja tani hari potemno thaj i bukva “f” tani hari promenimi.

Amari namera sine te kera nevo svežo dizajn e logoske kova tano posilno. Sakova nevipa podobrinela thaj ingarela ki pobari harmonija taro dizajn sar klučno elementi bašo identiteti e aplikacijakoro. Akava kergam le so pojasno te dikelpe i osnovno plavo boja koja tani vizuelno pošukar ki amari aplikacija, thaj dela posilno kontrast baši bukva “f” te ovel poprimetlivo, vakerge tari Meta.

Meta promeninga thaj o izgled taro fonti so koristinelape bašo pišibaske o anav tari socijalno mreža thaj korisinela sine o fonti Facebook Sans. Isi em nevi paleta taro boe ki koja majbut than lela i plavo niansa, thaj isto agahar menimo tano o izlgled taro emocije jali agahar vakerdo Reactions.