“Sinema povik amare romane korisnikoja, kova so palo miro objasnibe ko Romane halilo sar funkcionirinela leske khere o sistem e interneteja”
- Zdravo šaj li te vakere amenge pobuter bašo tuke, so isitut zavšimo em soske baš odova biringan te siklove?
📌 Zdravo, me sijum o Kjamuran Uzeir taro Shuto Orizari procujmo sar Shutka, momentalno vrabotimo ko Makedonski Telekom sar agenti ko kontakt centar bashi tehnicko poddrshka bashi o fiksna usluge (IPTV, fiksno internet hem fiksno telefoni). Inache odova so biringum te ucinav tano I sosema razlicno tari akaja bransha so kerava buti, studenti ko Ekonomikano Fakulteti ko department finansiski menđment.2.Kova tano to rabotno iskustvo panlo ko IT, thaj kova tano to najbaro uspeh đi akana?
📌 Miro rabotno iskustvo akana za skoro jek bersh ka pherav ki firma sar kjerava buti sar agenti ko kontakt centar bashi tehnicko poddrshka ko Makedonski Telekom hem iskreno I mange sar najbaro uspeh. Realno vakerdo te kjere buti ki esavki bari korporacija koja soj tani delo taro Dojce Telekom hem Madjar Telekom I barem mange bari odgovornost ama tari javer strana hem gordost. Mora te napomeninav deka blagodarenie me bukjake sijum but povekje ko tek e tehnologiencar nego li prethodno, ama mora pred se te priznajnav I baro delo tari zasluga isi hem ko miro opkruzuvanje ko mire amala kola so o internet na koristinenale samo bashi socijalno mreze nego li sledujndor o najneve vestija o najneve tehnologie.3. Tari tiri perspektiva kobor amen o Roma sijam zapoznajme e tehnologiencar, dali amari zaednica pravilno koristinela o tehnologie?
📌 Mora te vakerav za zal kaj but tikno procenti skoro pa hic. Mora te djana deka o internet nane samo o socijalna mreze (facebook, Instagram, tiktok) nego isi dosta javera korisna bukja kova so shaj anena amenge posukar idnina. Mozda kjerela problemi I jazicno bariera sebepi so amenge Amari dijakiri chib I tani Romani hem iako skolujnaja amen ki Makedonikani chib ali isi amen bariere. Ka spodelinav tumencar jek situacija kote so sinema povik amare romane korisnikoja, kova so palo miro objasnibe ko Romane halilo sar funkcionirinela leske khere o sistem e interneteja, kozom troshinela leske o IPTV hem sar I povrzimo e interneteja, no ko krajo mora te phenav odole so isi le interes duri I jazicno barierada nae te sprecinel le te avel dji ki potrebno informacija.
4.So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌Mora te bichalav jek javno blagodarnost dji ko timi taro Romani IT sebepeja so sekojdnevno hem nesebicno trudinena Tumen te sledujnen o najneve novitetija bashi tehnologie hem korisna informacie povrzime so IT kote so spodelinela len ki Romani Chib, vakerela o Kjamuran Uzeir
