Panda koga o OpenAI mukla ki upotreba o ChatGPT ko krajo taro 2022 berš, akava čhatbot reslja jek milioni korisnikija ko prva 5 dive taro leskoro mukiba, thaj kerha baro bum ko celo sumnal.
O Sumnal sine podelimo taro odova kobor i sposobno o ChatGPT, jek kotor najavinena le sien sar pioneri ki nevi era, kana javera dikhena sine negativno ki akaja mokjno alatka deka šhaj koristinelape bašo lošna thaj negativna bukja.
Dejvid Gem ko London o koleđ đhala jek piro poanglal, thaj najavinga pilot proekti kote so taro septemvri o ChatGPT ka zameninel e profesoren, ko akava proekti ka oven involvirime 20 učenikija.
O učenikija si 15 beršengere thaj ka koristinen o ChatGPT sar prvo alatka, thaj isto agahare ka koristinen javera AI alatke ko celo berš pred te položinen bašo GCSE (General Certificate of Secondary Edition) ko akala ispitija vklučime si o anglikani čhib, matematika, hemija biologija thaj o kompjuterska nauke.
Osven akala Ai alatke, o učenikija ka ovelen ko raspolaganje thaj 3 mentorija, a o akcenti taro celo proekti tano kerdo bašo personalizirimo učiba, jali romane vakerdo te siklove korkori vakerena taro koleđ ko London.
