“Isiman dosta rabotno iskustvo sar Grafik Dizajner, kergjum buti razne firmencar kote kergum lenge kompletno Branding”
- Zdravo šaj li te vakere amenge pobuter bašo tuke, so isitut zavšimo em soske baš odova biringan te siklove?
📌 Zdravo Romani IT , Saj najprvo mangav te zahvaljinavman tumenge so ulavgjen harica vreme base mande hem mi buti so kerava.
Vikinape Agron Osmani, sijum kotar i Kosovska Gracanica (opstina Pristina), momentalno djivdinava ki Germanija.
Zavrsingjum Saobracajno Tehnicka skola ki Pristina. Kotar o vreme, sineman opsesija bas o foto hem video. Pocmindjum keda na sine o internet, te sikljovava o Adobe Photoshop kotar o knjige hem o CD, hem diso korkoro. Isto agjahare hem ko Adobe Premiere Pro hem Adobe After Effects. Posle ked alo ki espanzija o internet arakljum but lekcije,tutorijala bas i akaja mi opsesija. Ucingjum kotar o najzorale grafik dizajnerja soj ko sveto hem panda sikljovav. Zavrsingjum ki Italijansko chib (posto djanav Italijanski) online profesinonalno kursi bas o Adobe Photoshop CC.2.Kova tano to rabotno iskustvo panlo ko IT, thaj kova tano to najbaro uspeh đi akana?
📌 Isiman dosta rabotno iskustvo sar Grafik Dizajner, kergjum buti razne firmencar so komplet Branding, hem panda but javere buca ki grafika. Mo uspeh i so akala me gjanipa uspindjum te phravav mi firma akate ki Germanija sar Freeleancer.Pobuter bašho leskoro portfolio šhaj te araken prekal ko:
Behance Portfolio Facebook Instagram
3. Tari tiri perspektiva kobor amen o Roma sijam zapoznajme e tehnologiencar, dali amari zaednica pravilno koristinela o tehnologie?📌 Mora te phenav so amen o Roma harica pengjara i tehnologija.Isi amare Roma so pravilno koristinena i tehnologija alji odova i cikno broj. But gjene nasalen po vreme ko Youtube ko socijalne mreze dikhendoj o buca soj lenge nane korisne. Ko internet isi but buca so saj oven korisne e manuseske,te sikljoven diso,dajek buti te keren,dajek biznis te pocminena ilji pak saj i amari Religija te sikljoven. Svako isile avdive o smartphone ko djepi hem saj ko najlaco nacin te koristinele.
4.So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌 Mange i but drago so arakhljum asavko portalli pi Romani chib, odusevingjumpe. Dikljumle 2-3 putja, sa i savrseno. Dicholpe so ko portali kerena o gogjaver manusa kova gjanena sar vodinolpe jek portali, hem so gjanena so te postuinen ko portali, vakerela o Agron Osmani.
