Pixel 8, Raspberry Pi 5, Galaxy Smart Tag 2, hardver akale kurkeske.

Akava kurko si but barvalo neve hardverea, bašo akaleske jek baro ov sasto đi ko Google thaj o prezenzitiba taro Pixel uredija, numa sine thaj but javera interesna prezentacije taro majnevo Raspberry Pi đi ko Galaxy Smart Tag2.

Pixel 8 thaj Pixel 8 Pro majšukar Android telefonija

Ki prezentacija taro neve Pixel telefonija o Google havlarga kaj taro akana o Pixel telefonija ka ovelen 7 beršengiri softversko podrška. Akava tano bašo operativno sistemi thaj bašo bezbednosno nadgradbe. Pobaro delo taro pametna telefonija avena vaker tuke isto hardverea, 7 bešengiri nadgradba tano dovolno te šaj penaja kaj tano majšukar telefoni koga kerelape lafi bašo Android operativno sistemi.

O dimenzije taro ekranija tane 6.2 inčija thaj 6.7 inčija bašo Pixel Pro modeli. Displej taro potikno modeli tano OLED thaj isile rezolucija 1080×2400 pikselija thaj refresh taro 120Hz. Pobaro modeli avela e LTPO OLED ekraneja thaj isile rezolucija 1344×2992 pikselija taro 120Hz.

Taro okova kurko počminela te bikinelpe o Galaxy SmartTag 2

Galaxy SmartTag 2 tano nevo ured kova so o Samsung ka sikavel le ko pazari bašo slediba taro pametna
uredija. Leskoro izgled tano but ednostavno thaj elegantno. Leskoro senzori tano garavdo ko elipsoidno krugo ki sredina
kova so lesno šaj te čivelpe ki tašna jali te zakačinenle ko tumare nahtarija.