Roma News araklape ko DDOS Atako, ko nakle dive o nezavisno Romano portal Roma News sine meta taro koordinirimo DDOS ( Distributed Denial of Service ) atako, kote so lengiri strana sine privremeno ne-aktivno. Akava sajber atako slučinelape ko periodi koga o portali aktivno ažuririnela pučiba taro baro značaj e Romane zaednicake, kote so pravela potencijalna obidija baši cenzura ili pritisok.
Ko akava intervju keraja lafi e Andrijano Đeladin, osnocači taro Roma News, kova vakerela amenge kobor isilen posetenost ko sajti, kobor korisnikija šhaj ko jek momenti, kobor šteta kerge ko lengoro sajti thaj save merke ka len prekal ko akava problemi.
- Kobor posete isi ko dnevno, nedelno thaj mesecno nivo ko portali Roma News?
O posete zavisinela taro savo kontent pisinaja ko dnevno nedelno ili mesecno nivo, ama saj te vakera deka isi amen negde taro 10 dzi ko 12 iljade posete ko mesecno nivo (nashti daja tumen screenshot taro statistike, soske o hakersko napad tano panda upra ki amari web strana em nane amen pristap).
- Tari koja drzava isitumen najvise posetitelija ko tumaro portali ?
Generalno naj chitime sijem ki Makedonija, palo adava avena o balkanska drzave pa o evropsa kaj so zivinena amare Roma.
- Kobor manusen shaj ikerela/izdrzinela tumaro sajti taro jek puti te kuven leske?
Sijem ko jek taro naj poznata svetska hostingija (IONOS) angluno 1and1, amari databaza normalno podrzinela 5k simultana konekcije (ako na greshinava).
- Akala dive ko Facebook profili taro Roma News sine objavimo slika deka sine napadimo ili blokirimo pristap dzi ko portal jek kratko periodi soj o sebepi odoleske ?
Ko 24 april sine objamimi anketa ko MKD.mk kote sine chivde samo o Makedonska thaj o Albanska partije em Liderija, pa amen sar Romano Medium manglem te kera jek anketa savi ka ovel relevantno ako isi upreder 1000 dzene kola ka glasinen, amari anketa sine parametririmi te ovel taro 26to dzi ko 28to April, ama za zal koristime sine VPN botija (o tehnicko timi taro amaro hosting provideri istrazinena kotar ale adala botija em kaske sine ko korist) kote so bichavge ki sekoja sekunda upreder 10k simultana konekcija so anga dzi ko bezbednosno blokiribe amare servereskoro thaj e data bazakoro. Jek interesno buti 2 divenge I strana kote sine kerdi I anketa sine posetimi taro 2 769 276 dzene, so adava nane vozmozno ni jekhe romane portaleske pa cak sto vise main stream portalenge ki bilo savi drzava. Adava sikavela deka namerno ili ne namerno nashtetinga pes prvo amare portaleske a dujto em bashi romani reputacija ko demokratska procesija.
- Dali mislinena kaj o Roma sijam sposobna baso akala napadija ili pak nekoj javer besela palo akava ?
O Roma dali sposobna te keren asavke tehnicka operacija, emo ja em na, ama avdije razno ponudencar ko internet parencar ili preku poznanikija save pendzarena shukar I infirmatika saj tano mozno, ama me pale ka vakerav deka tari jek strana amen sar portali em medium mangaja te sikava o jek a jekhipe e na romane mediumencar, ama na zalost ka dzal amenge but vreme te ove iskrena mashkar amende. Sar so vakergjum po upre, deka platingem tehnicko istraga te kerel pes taro kolal VPN botija alo dzi ko blokiriba I web strana thaj kaske adala botija glasinge, keda ka zavrsinel I istraga em ka oven amen o tehnicka informacije nane te ovel cudno em te podnesina krivicno prijava thaj te roda oshteta bashi o snosime tehnicka troskija kola dzi akana iznesinena negde okolu 1500€.
+1
+1
+1
+1
+1
+1
+1
