“Koga kerelape lafi bashi serizono zafatija sar kompanije so bajrola shaj gejnaja ko naja nekobor biznisija soj tradicionalna hem postojnena but bersha popalal e bizniseja“
- Zdravo šhaj li te vakere amenge pobuter bašo tuke?
📌 Zdravo, me sium Sali Memed Novinari ko MRT, upraviteli ko 3 PIKS MEDIA, Osnovaci taro 24Vakti.mk i avgo romano web portal thaj osnovachi tari Edukativen centar 24 vakti Skopje. Ko jek sium cleni ko pobut Khedipe bashi digitalizacija , novinarija thaj sovetodavna telija bashi zurnalizam.2.So najviše motiviringatut te prave lično legalno biznis, so usluge nudineja thaj sar vikinelape tire firmakoro anav ?
📌 Sar so vakergjum po upre osnovaci sium tari Avgo firma ko Roma bashi video produkcija thaj web dizjan, numa thaj basi o avgo intenet romano portal 24 vakti. I motivacija sine taro pobut aspektija jek si kaj ko Roma trebno te astaren o trend tari digitalizacija odova si internet, digitalno tehnologija, o dujto falinela sine romano portal so ka kerel vestija azuririba ki romani chib dzi tegani osven tradicionalna mediumija sar tv thaj radio romano hramovibaskoro medium ja pisibaskoro elektronsko medium nasine.
O trito nesar o kocke spojsalile ko jek than te ova partnerija trine manuushencar save si jek taro najshukar ko ple oblastija adava si Bajram Ramadan thaj Ferdi Osmani jek si pendzardo web dizjaneri dujto shukar pendzarela I tehnika , realizacija mediumija thaj me kote so akate mi uloga sine sar menadzeri ko timi hem komunikologo sar thaj zurnalisiti ko portali.
I Firma si pravdi palo khedibe so ka kera dali nvo dali kompanija, hem ko odova momenti iklilo o konkurs taro AVRM bashi samovrabotuvanje me apliciringjum idejaja romano web portal hem video produkcija, sijem sine grantistija, ama o granti samo motivirningjamen te khuva ko biznis. Posle pochmingjem te kreirina web platforme, video produkcija hem te razvina o internet sajti 24 vakti, sa akala granke panda funkcionalna thaj akana shaj te vakerav kaj sijem hem iskusna hem astaraja shukar butikeriba ko sa oblastija tari digitalizacija hem medumija.
3.Sar tiro biznis pomožinela e romane zaednica ?
📌 Miro udel ki zaednica sar persona korokori si but salde odoleja so sium zurnalisti pobut taro 20 bersh kergjum buti ko razlichna mediumija sar tradicionalna agjar elektrosnka. O samoto emisije save so isilen asavko karakteri vazdibe I svest taro Roma ko rodiba pe prava sar politichka, ekonosmki thaj manushikane prava sium gordo so panda priodnesinava I svest te bajralala e romane zaednicakiri. Taro Biznis aspekti shaj komortno te vakerav motiviringem bute romane portalen te praven ple mediumija te shaj informirinena e romen bashi aktuelna situacije soj odova sium panda pobut gordo. Isto agjar bute kompanijen nevladina organizacije preku amaro web dizajneri Bajram Ramadan vazdingjem o vidlivost bashi lengere biznija nvo aktivnostija numa dengem thaj bashi o Roma pobut te digitalizirinenpe hem pobut t chitinen ko jek vazdingem I medmska pismenost.
Ko delo tari video produkcija amen sijem avgo ki Makedonija so kergja live stream nekobor kamerencar ko 2016 bersh ko 8 april . Taro ploshtad ki Shutka. Adava sine prvo uspeh amaro hem e zaednicakoro ko live strema ili direktno preku youtube te prenesine nastan.
Palo odova kerge nekobor live stram taro sa o povazna nastanija bashi o Roma. Ki Mk numa thaj ko regioni ki Srbija, ko Kosovo.
Preku Amari firma 3 PIKS MEDIA isijamne chave save so avena ki ferijalno praksa taro srednoshkolcija Roma generacije save so mangena te oven IT ki idnina hem akana sijem lencar panda ki sorabtka bash pobut proektija. EMC 24vakti si jekutno romani nvo so kerela buti ko vazdibe mediumska pismenost thaj IT tehnologija ko Roma sinejamen nekobor proektija kote sine aktivna but terne thaj bajrargem lengere dzandipe bashi PC bashi novinarstvo bashi internet hem video produkcija.
4.Dali planirinea ko tiro biznis te vklučine digitalizacija, jali pak te kere nesavi tri digitalno alatka?
📌 Amen prakticno keraja digitalno buti Amari kompanije kreirinela o softverija bashi digitalizacija. O 3Piks Media basho kratko trujal leskoro sajti 24Vakti ka kerel buti online ko kinobikinibe ili kin bikin kote ka shaj o Roma trujal amari platfora te kinen hem bijinen artiklija. Odova ko sig vakti ka ovel prezentirimo. Akava ka ovel nevo cekori ki Romakiri digitalizacija thaj tehnologija koristibaja o neve trendija ko marketing bikiniba.
5. So mislinea baši biznis romani zaednica, thaj isijamen li dovolno broj taro legalna biznisija so šhaj te oven konkurentna ko pazari?
📌Koga kerelape lafi bashi serizono zafatija sar kompanije so bajrola shaj gejnaja ko naja nekobor biznisija soj tradicionalna hem postojnena but bersha popalal e bizniseja hem te rachunina kompanije soj o Roma sar legarutne si but hari ko naja shaj gejnaja MATEKS, MI CASA QVANTUM, HARI KOMPANI, FANTAZI MEBEL .
Pobuter biznisija si ko bikiniba ko tikno ii vakerdo dukjanija ja tezge save nesave si legalna nesave na . Ko akava momenti dikindoj o statistike pochminena o Roma te legalizirinen ple biznisija trujal AVRM hem I programa samovrabotuvanje.. Ama za zal panda sijem skepticna ko terne ko dejbe legalno biznis investicija .
Panda mangaja okova ana Roba platin carina bikin ko kurko platin kirija ki tezga dukjana hem agjar.
O dujto dikava palo kovid 19 but Roma najpobuter terne veke trujal socijana mreze biknena o artiklija soj tano pozdravibaske, ama bashi poshukar cvrstina ko kapitali trebno sa odova te kerenle legalno web sajt. prijavimo ki banka so e-kommerc trujal platezna karticete kerenpe o transakcije odova anela stabilnost hem bajariba I konkuremtnost ko kurko.
O Kurke ka oven po pravde na salde ki Mk numa thaj avrijal Balkan Evropa. O Trito trebno te kerenpe investirinelpe pohrabro bashi odredeno oblast soj akana ko trend primer Frizerska salonija, sijbaske salonija, konsultatska usluge. Investicija ki gastronomija, hem investicja ko zdrastvo.
Odola granke akana si aktulena hem akate retko shaj promashineja ako investitineja, trebno sa akava te kerela digitalizacija socijalna mreze web sajt, reklamiranje , influenserija te reklamirine, soske akana o marketing veke si digitalizirimi hem sarine sijem ko mob tv pc polokeste khuvela ko sero o artiklo.
Ko javer kontekst trebno I amenge nekoj mokna sar dumo ki drzava odoleja so ka osigurinel to kapitali. Sar politichka partije institucije. Avtorietija.
6. Taro tiro biznis apekti kobor i romani zaednica đanela thaj koristinela o tehnologije?
📌 Shaj te vakerav kaj pobuter koristinena I tehnologija ko Roma nego soj pismena ili obrazovna ko lil. Isi manusha chave terne najcesto nadzanena tablica mnozenje, nadzanela te potpishinelpe ni te pisinel penkaloja, ama kerela buti shukar ko mob tv pc .Mozda but har Roma isilen PC ili lap top ama TV aplikacijencar android itn, mobilno vaker tuke sarine. Mlo mislenje kaj akava shaj koristinajale ko pozitivno kontekst bashi romani zaednica odoleja so trebno te prenasocinamen ko dejbe usluge digitalna te shaj poshukar apsorbirinena nego tezgashija, tezga bikinela adzikerela musterija . Trebno te smenina ko digitalno marketing hem bikina o artiklija soske I zaednica hem o sveto veke prenosacimo kori odori hem odova bajrola. Isto agjar falinela kursija motivacija ko terne te posetinen akala kursija bashi IT veb dizjan, keriba buti ko internet. Na samo socjalna mreze.
O pure Roma trebno lenge mediumska pismenost tena peren ko zamke ko fake news ili pak nesavo lazno email so terinelale posle te del transakcija hem nashavena pare preku lazna profilija
Ko palune nekobor bersha dikelape kaj ko Roma ko kriptovalute veke tane ki igra adale virtuelno svetoja shaj te vakerav ki Makedonija sijem mashkar prva so khuvgje ko akava biznis. Hem bajrla sekova dive pobuter najcesto terne pravena profilija ko kompanije save so ekrena buti ko kriptovalute .
Sar te I romani zaednica astarela cekor e tehnogijaja. O terne pobut palem ka vakerav trebno pobut mediumska pismenost hem digitano edukacija panda hem motivacija o popure Romao tehnologije ma te ovel samo te diken bijava ko youtube , te oven zavisna ko socijalno mreža, hem te diken oglasija samo bikinibaske.
Trebno te ohrabrinalen pobut te khuven ko nevo tehnoloshko digitalno procesija soske I idnina veke odoja mora te astara o drumo ako na ka achova panda but popalal sar zaednica ko rayvoj ko opstestvo.7. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌Dzanena kaj me podrzinava sekova nevo trend ki digitalizacija soske odova adzikerelamen tumen sijen sar ROMANI IT glavno alka bashi edukacija motiviriba hem sikaviba o pravilno drumo bashi romani zaednica bashi nevi tehnologija, digitalizacija , veshtachko inteligencija it,, resursija. Odoleske aktivno samo prezentirinen o vaznost taro digitalno tehnoloshko sveto sar so kerena dzi akan samo pofalbe.
