OpenAI tani kompanija koja so ko akava berš sine jek taro najpoznato maškar ki IT industrija, o fokus ka zadržinelpe ko OpenAI ko teko taro 2024 berš. I kompanija koja so samo pred nekobor kurke havlarga neve haberija, bašo poeftiniba em podobriba ko lengere AI modelija thaj usluge, akava kurko sine lenge burno kurko. O odobro dinga otkaz e glavno izvršno direktoreske thaj ko-osnovači Sem Altman tari fukcija. Sar leskiri privremeno zamena naznačinga Mira Murati.
Sem Altman tano penđardo kova anga o ChatGPT ko seto, thaj te dobinel pofalba sar jek taro najvlijatelna manuša ki tehnologija. Ov tano penđardo pao mukiba ki upotreba taro WorldCoin thaj leskiri uloga sar ko-osnovači.
Koja tani Mira Murati?
Mira Murati tani bijami ko 16-to dekemvri 1988 ki Valona, Albanija, ko ple 16 berš selinelape ki Kanada te prodožinel po obrazovanie ko Pearson College UWC. Lakiri univerzitetsko diploma tani tari oblast Mehaničko Inžinering ko Dartmouth College.
Po profesionalno iskustvo dobinelale ko nekobor praktikantska pozicije ko Goldman Sachs thaj Zodiak Aerospac francusko vozdušno grupacija. Palo akava dobinela značajno iskustvo sar baro Menađeri bašo proivodija ki Tesla, kote so kontrolinela sine thaj dikela o razviba taro Autopilot, kova tano softveri bašo pomožiba e vozačeske ki Tesla kova isile veštačko intelegencija bašo Tesla X.
