“O Roma kerna but buca ama o Dizajn , o Prestavuvanje ko lengere Sajtija em lengere stranices ljazimi te oven super dizajnirime.“
- Zdravo šaj li te vakere amenge pobuter bašo tuke, so isitut zavšimo em soske baš odova biringan te siklove?
📌 Mo alav si Djeko. Bijando sijum ko Skopje 1960 bersh. Zhiviskerm ki Dračevo, ko Butel, pa ko Čairi. Pali osnovni shkola zavrshiskerum Gimnazija ko Cvetan Dimov smer literatura. Pali gimnazija 1 bersh Filologija Komparativna literatura. Posle 1 bersh Fakultet za Dramski umetnosti . Na zavrshiskerum i Akademija poshto ajum ki Francija ko Paris. Členi sijumas ko Teatar Phralipe so Rahim Burhan ko Skopje. I Likovna Umetnost,Literatura,Muzika, Teatar , Dizajn uvek sine delos taro mo zhivotos.
Ko Paris kerum buci ko dukjanes kaj so biknavas umetnička slike. Sin men isto dukjani (na kratko) kaj so keravas em biknavas isto umetnička slike. Momentalno me crtizava em spremizava man za Izlozhba ko Paris, Belgija, Germanija.2. Kova tano to rabotno iskustvo panlo ko Dizajn/Umetnost, thaj kova tano to najbaro uspeh đi akana?
📌Sar so vakerum keravas buci ko artistička Galerijes kaj so biknavas Umetnička Slike, Lithografijes, Serigrafijes.3. Tari tiri perspektiva kobor amen o Roma sijam zapoznajme e tehnologiencar, dali amari zaednica pravilno koristinela o tehnologie?
📌Sar so dikhava o Roma si dosta upoznaime e tehnologijenca, pogotovo o terne generacijes , ama normalno nanaj nikad dovolno. Ljazimi panda po but te kerenbuci kodlesa soske kodova si i idnina. I Idnina si o Metaverse. O Metaverse putrela ogromna horizontja em amare Roma ljazimi potpuno te posvetizen po vreme kodle tehnologijende.
4. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌O portali Romani IT ljazimi te postoizel em te ovel Poznato ko Internacionalno Romano Svetos. Sar so phedzum o Anglunipe si i Informatika. O Roma kerna but buca ama o Dizajn , o Prestavuvanje ko lengere Sitja em lengere stranices ljazimi te oven super dizajnirime. O Logo si but vazhno bash i Vizuelno Memorija. Primer kana kerasa lafi tari jek Marka odma avla amenge ki gozi lengoro Logo (Nike ,Lacoste,itn). Znači amen ljazimi te ahajas kaj ljazimi te keras buci sar o dasa em ta mangasa Uspeh ko razna domenija te ovas poshukar lendar. O Romani IT ljazimi te ovel po pendjardo mashkar o Roma.
