“Meri karirera ko IT thaj lakere darhija tane but hor panle mere buti keribaja ko MNR”
- Zdravo šaj li te vakere amenge pobuter bašo tuke, so isitut zavšimo em soske baš odova biringan te siklove?
📌Zdravo mo anav tano Gjulbin Bajram, me bitingum maškarutni elektro-tehnikani sikljovni, smereja baši kompjuterikani tehnologija thaj avtomatika. O čhinavibe te fokusirinavman ki akaja oblast iklilo tari meri strast baši tehnologia thaj i mangin te ovav delo taro IT sektori kova so bajrovela but sigate. I tehnologija but sigate bajrovela thaj me manglum te ovav jek kotor odolestar, te lav than ko kreiribe inovatnivnna čhinaviba kola so podobrinena o sakova diveskoro dživdipe.2.Kova tano to rabotno iskustvo panlo ko IT, thaj kova tano to najbaro uspeh đi akana?
📌Meri karirera ko IT thaj lakere darhija tane but hor panle mere buti keribaja ko MNR, kote so kerava sine buti majbuteder taro deš berš. Odote arakava sine man bute turli tehničko predizvikoncar, kote so siklilum thaj razviingjum mangle praktikane veštine thaj džaniba kola so mange ovozmožingje te profilirinav sar efikasno thaj majdžanglo IT profesionalco. Akava džanibe araklilo pe mange sar temeli sa mle avutnikane bajraribaja.
Trujal meri buti ko MNR, barikano sium ko mero angažiribe sar tehnikani arka ki Makedoniakiri Misija ko EU ko Brisel, thaj agjar ki Posotjano Delegacija e Utarake Makedoniakiri ko NATO. Akala duj džanibe mange sikavgje te kerav buti ko maškar džianeskoro kontektsi thaj te anav ko maj važna instituciane operacie.📌Ko 2023 berš, lansiringjam o portal bashosa.com ,kote so sikavela baro korako dži ki meri kariera so I panda jek bajraribe tari meri posvetenost ko razviibe thaj pošukarkeribe o IT ki romani khedin. Akava portali na salde bajrarela o dikhibe ki romani kultura numa anela thaj kerela platforma bašo siklovibe thaj informiribe e zaednica.
3. Tari tiri perspektiva kobor amen o Roma sijam zapoznajme e tehnologiencar, dali amari zaednica pravilno koristinela o tehnologie?
📌Gndinava kaj isi baro progresi ki amari komuna keda kerelape čafi bašo kulanibe I tehnologia. Numa, isi but than pošukarkeribaske, majbut ko sikloviba thaj o pristapi dži ko majneve siklovne resursia. O bajraribe ki informativno pismenost thaj I promoviribe ki IT kariera maškar o terne Roma tano zaruri te istemalkerenpe sa o možnostija so anela I tehnologija.
4. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌O portali Romano IT tano but šukar resursi e te šaj te khelel zaruri uloga ko siklovibe thaj inspiracia e terne Romenge te len buti baši o IT.
