Sar o čhatbot ovela pomokjno, OpenAI agahar da dozvolinela leske te ovel polično, numa vakerela kaj o korisnikija silen panda kontrola.
Keriba lafi e čhatbot-ea kova so isile veštačko intelegencija palo nesavo vakti šhaj te čuvstvine hari dive e gromeskoro, soske palo
nekobor puti penen a sar te ovel o formati tari tumari elektronsko pošta, ili pak te pučen save zabavna bukja šhaj te keren akava vikend.
Odoleske o OpenAI dela zori akava te prekerel pes thaj te personalizirinelpe piro čhatbot. ChatGPT dobinela “memorija”, koja ka ovozmožinel akale boteske te šhaj te pamtinel tumare informacije tumenge ko vreme koga kerela tumencar lafi.
Memorija kerela buti jek taro duj načinija. Šhaj te penen leske te zapamtinel nešto konkretno bašo tumenge: Tumaro šefi vikinelape Demo, tumaro čhavo tano alergično ko gudle kompirija. Ili o ChatGPT šhaj ednostavno te khedel detalija ko teko taro tumaro lafi keribe thaj koga ka pučen le nešto ov te del tumen odgovor. Ko sekova slučaj o ChatGPT leskiri cel tani te ovel polično thaj hari popametno, bizo te potsetinen le sekova puti vakerena taro OpenAI.
