“But hari amen sar Romani zaednica koristinaja i nevi digitalno tehnologija, đanidor kaj but baro biznis ko momenti vrtinela o digitalno sveto“
- Zdravo šhaj li te vakere amenge pobuter bašo tuke?
📌 Maj anglal mangava sa vilestar te bichalav jekh baro oven saste dji tumende so dengenman shajipe(moznost) te ovav kotor(delo) taro akava intrevju.
Anglal te poćminav te odgovorinav ko tumare pućibna te vakerav, ka dav mandar sa te šaj koristinava nabut gramatikane romane lafija te šaj halovenaman tumare čitatelija.
Akharavaman Sevgul Abdula, zavrsingum visoko obrazovanie bash detektiv thaj kriminalistika, ko 2021 bers resarava ko magisterski trud thaj uspesno braninavala thaj resarava M-r nasoka-Bezbednost.
Sijum prandimo isiman duj čave, taro mere 16 bersh miro hobi, buti thaj SA tani i medija, počmingum taro prvo romano radio ki Makedonija ,, Radio Šutka” pali adava but bersha kergum buti ko romane medie sar novinari, uredniko thaj aver.
Avdive profesionalno sijum ki themakiri administracija (Vlada) Makedonijaki, ano isto momenti pallo moro bukarno vakti štarto bersh miri buti thaj mangin ko medisko butikjeripe prodolzinela starto bersh ko elektronsko medium Roma Press (www.romapress.mk)
Panda bash mange isi but te pisinav phanle mere aktivizmoja ama, ajde ka muka nesto avereda puteske te pishina diso nevo.2.So najviše motiviringatut te prave lično legalno biznis, so usluge nudineja thaj sar vikinelape tire firmakoro anav ?
📌 Hmm… Naśti vakerajala sar firma sostar o elektronska mediumija amende preperena prekal NVO,anglal te fokusirinamen te kjera buti sar Roma Press sine amen registririmi biradjakiri organizacija ,,Kham Sijan” , savi kerla buti pobuter taro 15 bersh.
Amaro tadarutno focus bukjakoro sine te kjera buti ko bajrovipe i edukacija,štampibe romane lila thaj sar prioriteti sine amenge te kjera buti hem ko humanitarno aspekti maskar o čhorole mahale.
Roma Press aktivirinajale na sar biznis potreba tuku sar mediumsko potreba bash i romani zaednica, sostar na sine amen mediumija save objektivno, navremeno thaj transparentno prikazinenasa o problemija e romengere,aver fakti sar zaednica na sine amen bari navika za ćitane thaj avdive akaja bariera tani nakavdi. Tadani kana sa akava čivgem ko amaro focus bukjako(aktivizmo) diklem kaj tano prioritetno te phravelpes jekh elektronsko medium, odolestar amen na diklem savo ka ovel amaro benefit ili interes tuku obratno sar te bajrara o mediumsko zastapenost maskar ko roma.
3.Sar tiro biznis pomožinela e romane zaednica ?
📌 Sar amen pomozinaja e romen vakerela sa adava so prekal amari buti sar elektronsko medium tani vidlivo nane garavdi, isili pobaro pomoś bash tiri zaednica phravde te vakere bash lakere problemija save resarena taro sa e riga, isili diso pobaro dejbe dumo kjed ola arakenapes bare problemencar sar soj i diskriminacijja,asimilacijaja,neednakva, dejbe zor upral olende posebno ko delo e policijake bukarnencar, problemija taro nanipe ko sistemska resenija thaj tu bash sa odova kjereja lafi javno koristibnaja toro mediumsko zoralipe (mokj).
4.Dali planirinea ko tiro biznis te vklučine digitalizacija, jali pak te kere nesavi tri digitalno alatka?
📌 Dikhen, kana kerlapes lafi bash digitalizacija amen vec sijem elektronsko medium savo koristinela but digitalna alatke tari akaja nevi digitalno era. Kana postavineja tuke o puchibe savo tano o interes amaro tadani ov mnozinelapes so (0), kjerava lafi bash o romane elektronska mediumija odoleja so sekoj jek amendar besela ko pere pire, licno finansiribnaja thaj but hari koristinelapes disavo proektno aktivnost ko romane medie. I Praksa vakerela ako delatut neko pare tadani ocekujn tu te ove oleskiri alatka numa,tadani sudrinejatut e opsto kodekseja tari ti zurnalistikani buti thaj nanetut objektivno informiribe.
Akate ka koristinav jek aver momenti, isi amen romane bisnismenija save nanelen interes barem pumaro biznisija te reklamirinenlen ko romane medie,odoleja indirektno ka den amen dumo. Za zal,amen but hari siklilem taro avera zaednice ko akava pravco, samo odoborom ka vakerav verovatno ka halovenman but manusa soske?
Amen sar Roma Press planirinaja ko but sig vakti ko amaro sajti te ovel chivdo elektronsko bankarstvo,te shaj korkkro e roma te den amen dumo ko simbolicno nacin doniribnaja.5. So mislinea baši biznis romani zaednica, thaj isijamen li dovolno broj taro legalna biznisija so šhaj te oven konkurentna ko pazari?
📌Moro gndipe ko akava pravco kobor sijem konkurentna ka vakerav jekh,amen sijem salde jek śaka(kupa)taro legalna elektronska medije, shaj te vakerav sijem konkurentna sal ko disave segmentija ko primeri lejbe dejbe informacie ama, ko kvalitetno proverime thaj izvorna informacie ate sijem slaba. Mislindor kaj o fb. (socijalna mreze) poedincija taro pere profilija kjerge olen medije,nasavgem o kvaliteti thaj i profesionalno novinarsko buti. Salde ko avera biznisija sar zaednica sijem konkurentna ko tekstilno thaj hajbnaskoro biznis, ama but hari ko elektronsko digitalno biznis,valani amenge edukacija, promoviriphe,djandipe te shaj pratinenpes o neve trendija taro 21 zamani.
6. Taro tiro biznis apekti kobor i romani zaednica đanela thaj koristinela o tehnologije?
📌But hari amen sar romani zaednica koristinaja i nevi digitalno tehnologija, djanidor kaj but baro biznis ko momenti vrtinela o digitalno sveto ama za zal amen o Roma but hari sijem ko tek e neve tehnologijaja. Te nadinamen ki terni generacija kaste amen dikaja baro potencijali thaj zelba bash koristibe o neve trendija tari nevi digitalno tehnologija.
7. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?
📌Romano IT, ko prvo puti ked sungum tumenge amen sar timi roma press vakergem ake panda jek konkurencija amenge hahaha, pallo adava halilem so tumen ka oven i prvo generacija (protagonistija) kola ka upatinen e terne generacija ko nevo sveto, but pozitivno thaj me gndinava o interes valani te ovel but pobaro taro ocekuvimo. O Vakti tano akana te meninelpes o narativi tari terni Romani generacija, OJA – ka pomozinel but sostar avdive o IT tani jek tari maj rodimi hem maj pukjimi buti amende ama hem ko Sumnal vakerela o Sevgjul Abdula.
