Ramuš Muarem Cirko – Žurnalisti, NVO aktivisti thaj Akteri

“Ko akava modeno tehnloško funkcioniribe e lumiake , mange – namange I potreba tani te ove delo taro o digitalno sveto.“

1. 1. 1. Zdravo šhaj li te vakere amenge pobuter bašo tuke?
         
         📌 Me sium Ramuš Muarem – Cirko, Rom tari Makedonia, Skopje. Po vokacia involvirimo pobuter taro 2 decenie ko mediumia, sar žurnalisti, thaj aver granke konektirime mediumea. Ko jekh paralelno aktivno em ko NVO sektori. Lava than ko pobuter proektia so si povrzime ko dola oblastia, thaj panda sium aktivno em trudinava man te pridonesinav so majbut e Romane jekhinake.

         ---

         2. So najviše motiviringatut te ove delo taro digitalno sveto ?
         
         📌Me bi angleder vakerav deka tano poviše potreba odkolku motivacia. Ko akava modeno tehnloško funkcioniribe e lumiake , mange – namange I potreba tani te ove delo taro o digitalno sveto, soske akava tani em digitalno era.

         ---

         3. Sar tu em tiri buti pomožinena e romane zaednica ?

         📌Taro odova aspekti mlo dejstvuvanje talo taro pobuter aspektia. Sar so poupre vakergjum me sium duj em poviše decenie aktivno baš ko odova te pridonesinav mle (Romane) zaednicake. Odova podrazbirinela dejstvuvanje preku mediumia, a istovremeno em ko aktivno terensko aktivnostia taro NVO aspekti.

         

         

         

         4. Dali planirinea ko tiro biznis te vklučine digitalizacija, jali pak te kere nesavi tri lično digitalno alatka??
         
         📌Pošto o trendi tano, a istovremeno em potreba, I digitalizacia ki mli profesija tani neophdno, em jekh taro sledno čekorija ka ovel baš ki odoja nad se potrebno varijanta – digitalizacija so ka ovozmožinel potransprentno em po vidlivo svako mlo aktiviteti em buti.

         ---

         5. So mislinea baši biznis romani zaednica, thaj isijamen li dovolno broj taro legalna biznisija so šhaj te oven konkurentna ko pazari?

         📌Me mislinav deka amari svest bašo značenje e digitalizaciake ko amare biznisija panda tani ko nisko nivo, no verujnava deka o neve em poterne generacie, tane svesno odole pridobivkake, ka keren buti em ki odoja nasoka. Akanaske džanaja deka panda bari brojka em procentia e Romen si len nalegalno – sivo ekonomsko biznisia, no verujnava deka odoja slika ka smeninel pe, normalno ki zavisnost em tari država em o institucionalno olesnuvanje baši legalizacija ple biznisenge.

         ---

         6. Taro tiro apekti kobor i romani zaednica đanela thaj koristinela o tehnologije?

         📌Akanaske me mislinav deka lengoro poznavanje tano but tikno, em nadžanena sa o pridobivke. No ake tumen sar jekh terne em progresivna ko odova pole tari IT tehnologija ka pridonesinen odova da stepen te bajrol.

         ---

         7. So mislinea bašo portali Romani IT, thaj dali falinela nešto so šaj kerelape thaj podobrinelape baši Romani zaednica?

         📌But šukare idea I namera taro portal Romani IT em mislinava deka te prodolžingjen agjaar o uspeh ka ovel panda povidlivo. Ki Romani zaednica falinen pobut segmentia, ama sepak verujnava deka sa odola nedostatkia em anomalie, ka eliminirinen pe vremea vakerela o Ramuš Muarem – Cirko.